بدخشانلیک فعال ییگیتلردن مسعود تېمور تۉرت کوندن بېری طالبلر قماقخانهسیده سقلنیب کېلماقده اېکن، بدخشان ولایتیده طالبان محلی رسمیلری بو فعال حبسگه آلینیشی سببی حقیده سکوت قیلماقده.
شونینگدېک، حاضرگچه طالبان بو فعال تقدیری حقیدهگی خواطرلر خصوصیده هیچ قندهی مناسبت بیلدیرمهگن.
بو شوندهی بیرحالده دیر که مسعود تېمور بوندن اوچ کون آلدین، طالباننینگ استخبارات کوچلری تامانیدن حبسگه آلینگنی ایتیلهدی.
منبعلر معلوماتیگه کۉره، مسعود تېمور اۉزبېک تیلی و مدنیتی بۉییچه قیلگن فعالیتلری و فیسبوکده ترقهتگن موضوعلر سبب حبسگه آلینگن.
اۉزبېک فعاللر و سیاستچیلر، تېمور اوشبو عیبلاولر بیلن حبسگه آلینیشی تنقیدلی و خواطرلی بیر حرکت دېب بیلدیرماقده.
شو بیلن بیرگه، طالبان قماقخانهسیده بو کیشی قندهی شرایطده بۉلگنی هم حاضرگچه بېللی اېمس و بو اېسه اونینگ تقدیری و احوالی خصوصیده جدّی خواطرلرنی اۉرتهگه آلیب کېلگن.
