طالبلر حاکمیتگه کېلگچ، اۉزبېک خلقی، تیلی، فرهنگی و یاش-ییگیتلر بجرهیاتگن فرهنگی و اجتماعی فعالیتلریگه جدی تۉسیقلر تاپیلگن.
بېش ییل دوامیده اۉزبېکلر بیلن کوندن-کونگه قرشیلیکلر کۉپهیب باریب و اۉزبېک ادبی، فرهنگی، اجتماعی و رسانهای سیمالرنی تهدید، سورگون و قماقخانهلرگه تشلگن.
حامد قرلوق تخار ولایتی دشتقلعه اولسواللیگیدن، او اجتماعی و فرهنگی سیمالردن دیر.
قرلوق ۱۴۰۳ ییلینینگ عقرب آیده دشتقلعه اولسواللیگیده طالبلر گروهینینگ ریزرف قطعهسی تامانیدن قۉلگه آلینیب ۴۵ کون قماقده بۉلگن، حامد قرلوق شخصی یېرلری اسنادینی و تۉرت کیشی آقساقالنینگ ضمانتی بیلن چیققن.
البته ایتییشکېرهک که قرلوق بونده آلدین هم طالبلر تامانیدن حبسگه آلینگن، لېکن قیسقه فرصت بیلن آزاد اېتیلگن.
طالبلرنینگ بوحقده ایتیشیچه؛ قرلوق طالبان گروهیگه قرشی تبلیغ قیلگن.
امدادالحق تورال، ۱۴۰۴ ییلی ثور آیینینگ ۲۳ ده بدخشان ولایتی ارگو اولسواللیگی استخباراتی تامانیدن قۉلگه آلینیب ایکّی کون او یېرده سقلنیب کېین فيض آباد استخباراتیگه انتقال تاپیب اۉن کونگه ییقین او قماقده قالگن.
تورال بدخشان ولایتی فرهنگی و اجتماعی فعاللریدن دیر.
تورالنینگ قماقه آلینیشی هم اۉزبېک تیلیده فعالیتی، فرهنگی و اجتماعی فعالیتلر سببلی حبسگه آلینگن ایتیلگن.
امدادالحق تورال ضمانت بیلن آزاد بۉلگن اما او آنچه مدت طالبان گروهی تامانیدن جدی نظارته بۉلگن.
حکمت الله ترکستانی بغلان ولایتیدن، جوزجان و سمنگان بیلیمیورت لوحهلریدن اۉزبېـــکچه یازوولر اوچیریلیشیگه اجتماعی ترماقلرده ناراضیلیک بیلدیرگنی اوچون بغلان ولایتی بۉرکه اولسواللیگی استخباراتیده چقیریلیب و او یېرده یرم کون سقلهنیب اونگه بوندن کېین طالبلر حاکمیتگه هیچ قندهی قرشیلیک حرکت قیلمسلیگینی سۉرهگن، او آقساقاللر ضمانتی بیلن آزاد اېتیلگن.
هبتالله یعقوباۉغلو؛ فاریاب ولایتی فرهنگی و رسانهای فعاللردن بۉلیب، اۉزبېکچه فرهنگی و رسانهای فعالیتلر آلیب بارگن، بو یوزدن یعقوباۉغلو نېچه مرته طالبلر گروهی تامانیدن اوشلنیب و تهدید بۉلگن.
۱۴۰۴ ییلی نینگ بهار آیلریده فاریاب ولایتینینگ دولت آباد اولسواللیگیده، اولسوال تامانیدن قۉلگه آلینیب اۉزاق مدت قماقه آلینیشگه تهدید بۉلیب، و بعضی بۉلگن واسطهلر اوچون آزاد قیلینگن؛ اما بوندن بویان فعالیتلرینی تۉختهتیشی سۉرلگن.
اوشبو فرهنگی سیما
۱۴۰۵ییلی حمل آیینینگ ۱۹ ده کابل بیلیمیورتیده اۉزبېک تاقیسینی کیگنی اوچون طالبلر عالی تحصیلات وزيری دن شپات(سیلی) یېب، و بوندهی بیر ضدانسانی حرکتده قرشیلیک قیلب و کۉپ قیینچیلیکلرنی کۉریب و حاضر نا انیق تقدیر بیلن یشماقده.
عطاالله ترکستانی تخار ولایتیدن، ایکّی مرته طالبان گروهی تامانیدن حبسگه آلینگن.
عطاالله، اجتماعی صحیفهلرده جنوبی ترکستان یا ترکستان اتهمسینی ایشلتگنی اوچون تخار ولایتی اشکمش اولسواللیگی استخباراتیده سقلندی، او کېین اجتماعی ترماقلرده کۉپ ناراضیلیکلرگه سبب بۉلیب آزاد قیلینگن.
عطاالله ترکستانی اېسه ۱۴۰۵ ییلینینگ بهار آیلریده اشکمش اولسواللیگیدن قۉلگه آلینیب تخار ولایتی مرکزی تالقان استخباراتیده آلیب باریلگن اېدی.
اونینگ حبسگه آلینیشی سابق قوماندان پیرمقل ضیائی نینگ اولگن کونی اوچون اۉز صحیفهسیده اونینگ تۉغریسیده یازیگنی باعث بۉلگن.
ترکستانی، آقساقاللر، فرهنگی و اجتماعی سیمالر ارهلشی بیلن و باشقه فرهنگی فعالیت قیلمسلیگینی ایتیب آزاد قیلینگن.
او قماقدن چیقیب ترکيهده تبعید بۉلدی.
عادل بېک قندوز ولایتی امامصاحب اولسواللیگیدن، او جمهوریت پیتیده آیینه تلویزیونیده اۉزبېکچه خبرلرنی اۉقیر اېدی، طالبان گروهی حاکمیتگه کېلگنده عادل بیک ایران چیقیب کېتگن بۉلیب او یېرده فرهنگی محفللرده کۉرینگن.
طالبان حاکمیتی تۉرت ییلدن آشگن زمان او اویلنیش اوچون افغانستان قیتگن و کېین امامصاحب تومنیده طالبلر تامانیدن حبسگه آلینگن.
عادل بېک آقساقاللر ضمانتی بیلن آزاد بۉلیب و بو حقده هیچ کیم بیلن صحبت قیلمسلیگی تاکیدلنگن.
مسعود تېمور فرهنگی و اجتماعی فعال ۱۴۰۵ ییلی ۲۹ جوزا بدخشان ولایتیده طالبلر استخباراتی تامانیدن قۉلگه آلیندی.
مسعود تېمور بدخشان ولایتی ارگو اولسواللیگیدن، بو ییگیتنینگ قماقخانهگه آلینیش سببی اجتماعی ترماقلرده یازیاتگن پستلری و اجتماعی، فرهنگی فعالیتلری عنوان قیلینگن.
اونینگ حبسگه آلینیشی اجتماعی ترماقلرده کۉپ تنقیدلرگه سبب بۉلدی.
مسعود تېمور جمعه کونی حبسگه آلینیب بېشکوندن کېین چهار شنبه کونی طالبان گروهی تامانیدن آزاد قیلیندی.
مسعود تېمورنینگ بوندن آلدین هم سورگون بۉلگنی اونینگ یقیینلری تامانیدن تصدیقلنگن.
یازووچی: جسوربېک
