امریکانینگ اکسیوس نشری خبر بېریشیچه، ایران و امریکا رسمیلری بیر-بیراویگه قرشی هجوملرنی تۉختهتیب، مذاکرهلرنی قیته باشلشده موافقت قیلگن.
بو حقده نشر اېتیلگن خبرگه کۉره، اوشبو کېلیشوو اساسیده، امریکا و ایران وکیللری، اېرته سهشنبه کونی، ۹ – سرطان، قطرنینگ دوحه شهریده سۉزلشوو اۉتکزهدیلر.
بو مذاکره شوندهی بیرحالده اۉتکزیلماقده دیر که ایران و امریکا حربیلری، اخیرگی ایکّی کون دوامیده کېلیشووگه ضد حالده بیر-بیراویگه قرشی هجوملرنی اویوشتیرگن اېدی.
بوندن آلدین، اوشبو هجوملر نتیجهسیده، ایکّی تامان اۉرتهسیدهگی سۉزلشوولر تۉختهتیلگنی هم خبر قیلینگن اېدی.
ایتیش کېرهک که ایران و امریکا اۉرتهسیده حاضر ۱۴ بنددن عبارت بیر کېلیشوو امضالنگن و اوشبو کېلیشوو اساسیده، کېلهسی ۶۰ کون دوامیده، یکونلی بیر کېلیشووگه قۉل تاپیش مقصدیده سۉزلشوولر ایلگری آلیب باریلیشی کېرهک.
