طالبان سۉزلاوچیسینینگ اۉرینباسری حمدالله فطرت، تامانیدن نشر اېتیلگن معلوماتگه کۉره، پاکستاننینگ اۉتگن کېچه اویوشتیرگن بامباردمانلری نتیجهسیده ۳۶ کیشی جان بېریب و ینه ۱۶۳ کیشی یرهلنگن.
طالبان ادعا قیلیشیچه، پکتیا ولایتی زمکی اولسواللیگینینگ مندوخیل قیشلاغیده بیر اوی بامباردمان اېتیلگنی نتیجهسیده بیر ایرکک و بیر باله جان بېرگن و عایلهنینگ قالگن اعضالری یرهلنگن.
شونینگدېک، اوشبو اویده قربانلرگه یېتیشیش مقصدیده کېلگن اهالی ینه بامباردمانگه اوچرهگن که نتیجهده ۲۸ کیشی جان بېریب و ۱۵۸ کیشی یرهلنگن.
طالبان ینه ادعا قیلیشیچه، پاکستان جتلری پکتیکا ولایتی گیان اولسواللیگینینگ ولوست قیشلاغیده بیر دهقان عایلهسینی بامباردمان قیلگن که نتیجه عیاللر و بالهلر شامل آلتی کیشی جان بېرگن.
طالبان کنر ولایتی، منوره اولسواللیگینینگ برولو قیشلاغیده اویوشتیریلگن بامبادمان قربانلیککه سبب بۉلمهگنینی بیلدیردی.
