طالبان تشقی ایشلر وزیری امیرخان متقی، کابلده قطر اېلچیسی مردف القاشوطي بیلن اوچرهشوو اۉتکزگن.
طالبان تشقی ایشلر وزیرلیگی بوگون سهشنبه ۱۰ – سرطان، بیر بیانات ترقهتیب اوشبو اوچرهشوو حقیده خبر بېردی.
طالبان تشقی ایشلر وزیرلیگی تامانیدن نشر اېتیلگن بیاناتگه کۉره، اوچرهشووده ایکّی تامانلمه مناسبتلر همده بیر قنچه منطقوی مسالهلر خصوصیده فکر المشتیریلگن.
شونینگدېک، طالبان تشقی ایشلر وزیری بو اوچرهشووده، اوشبو گروه بیلن دنیا مناسبتلری خصوصیده قطرنینگ رۉلینی ایجابی بهالب، بو خصوصده منتدارلیک بیلدیرگن.
بو شوندهی بیر حالده دیر که طالبان چمهسی بېش ییلدن بېری سیاسی انزواده سقلنیب کېلماقده و حاضرگچه بو گروه حاکمیتی، روسیهدن باشقه هیچ بیر مملکت تامانیدن تَن آلینگن اېمس.
ایتیش کېرهک که قطر، طالباننینگ سیاسی دفتری همده بو گروه بیلن امریکا اۉرتهسیدهگی مذاکرهلردن میزبانلیک قیلیب، طالبان حاکمیتگه قیتیشی اوچون اساسی حصهسی بۉلگن مملکت دیر.
