روسیه جمهور باشلیغی ولادیمیر پوتین، امریکا مستقللیگینینگ ۲۵۰ -ییللیگی مناسبتی بیلن، امریکالیک همکسبی دونالد ترامپگه قوتلاو پیام یوبارگن.
روسیه جمهورلیک ریاست سرایی یا -ده «کرملین» ویب-سایتیده نشر اېتیلگن اوشبو پیامده، پوتین، امریکا و روسیهنینگ مناسبتی اهمیتی و بو ایکّی مملکتنینگ دنیا بۉیلب تینچلیک و برقرارلیک تامینلنیشی خصوصیده تۉختهلیب اۉتگن.
پوتین اۉزینینگ پیامیده، دنیانینگ هستهای قورالگه اېگه ایکّی کوچلی مملکتی بۉلمیش امریکا و روسیه، دنیا تینچلیگی و برقرارلیگی اوچون خاص بورچگه اېگه دېب، بیلدیرگن.
شو بیلن بیرگه، روسیه جمهور باشلیغی، بیرینچی و ایکّینچی جهان اوروشلریده، روسیه و امریکا بیرگهلیکده حرکت قیلگنینی اېسلب، مسکو و واشنگتن اۉرتهسیده یخشی مناسبت اۉرنهتیلیشی ایکّی تامان منفعتیگه دېب تاکیدلگن.
بو شوندهی بیرحالده دیر که روسیه و امریکا اوزاق ییللردن بېری بیر-بیراوی بیلن رقابتده بۉلیب کېلماقده و بو رقابت دنیا ایریم حدودلریده کېنگ اوروشلرنی هم اۉرتهگه آلیب کېلگن.
