تورکیه جمهور باشلیغی رجب طیب اردوغان، بو مملکت پایتختی انقره شهری میزبانلیگیده اۉتکزیلیشی رېجهلشتیریلگن ناتو تشکیلاتی رهبرلرینینگ ییللیک ییغینی عرفهسیده، اوشبو تشکیلات باش کاتبی مارک روته بیلن اوچرهشدی.
اردوغان و مارک روته اوچرهشوویده، ناتو تشکیلاتی رهبرلری ییغینینینگ کون ترتیبیگه عاید مسالهلر حقیده فکر المشتیریلگنی معلوم قیلینگن.
شونینگدېک، اردوغان و روته ایریم دنیا و منطقوی مسالهلر یوزهسیدن هم صحبتلشگن.
ییغینده، تورکیه جمهور باشلیغی اېرتهگه باشلنیشی کوتیلگن ناتو ییغینی خصوصیده تۉلیق تیارگرلیکلر آلینگنینی معلوم قیلگن.
ایتیش کېرهک که اېرتهدن باشلب، تورکیهنینگ پایتختی انقره شهری ناتو تشکیلاتی یېتکچیلرینینگ ایکّی کونلیک ییغینیدن میزبانلیک قیلهدی.
