ایریم ېیتکیرمهلر تامانیدن ایشانچلی دیپلومات منبعلر معلوماتیگه اساسلنیب نشر اېتیلگن خبرلرگه کۉره، بیرلشگن ملتلر تشکیلاتی بو تشکیلاتنینگ افغانستاندهگی نمایندهلیگی یا ده «یوناما» اوچون ینگی باشلیغ تعیین قیلگن.
بو حقده نشر اېتیلگن خبرلرگه کۉره، بیرلشگن ملتلر تشکیلاتی باش کاتبی، بنگلهدیشلیک ییریک دیپلومات رباب فاطمهنی اوشبو لوازمگه تعیینلگن.
دیمک رباب فاطمه بیرلشگن ملتلر تشکیلاتی چوکاتیده یوقاری لوازملرده ایشلهگن دیپلومات دیر.
فاطمه، بوندن آلدین بیرلشگن ملتلر تشکیلاتی باش کاتبینینگ اۉرینباسری و بو تشکیلاتنینگ آز رواجلنگن مملکتلر بۉییچه وکیلی اېدی.
شونینگدېک، خانم فاطمه خلقارا مهاجرت تشکیلاتی و یونیسف کبی خلقارا تشکیلاتلرده اوزاق ییللیک فعالیت تجربهسیگه اېگه دیر.
فاطمه، قرغیزستانلیک سیاستچی روزا اوتنبایوا اۉرنیده تعیین اېتیلماقده دیر.
