امریکا قوشمه ایالتلرینینگ جمهور باشلیغی دونالد ترمپ، ینه بیربار ایران حکومتینی آگاهلنتیرگنی خبر قیلیندی.
بوحقده نشر اېتیلگن خبرلرگه کۉره، ترمپ ژورنالیستلر بیلن بۉلگن صحبتیده، ایراننینگ هر بیر هجومیگه ۲۰ مراتبه کوچلیراق جواب قیتریلیشینی بیلدیرگن.
شو بیلن بیرگه، امریکا جمهور باشلیغی ایران و امریکا اۉرتهسیده تۉلیق اوروش باشلنیشی خصوصیدهگی ژورنالیستلر سوالینی جوابسیز قالدیرگن.
عینی حالده، ترمپ ینه بیربار ایران رسمیلری او بیلن کېلیشووگه اینتیلیب تورگنینی ادعا قیلیب، حاضر اولرنی بو خصوصده قنچهلیک تیارلیگینی کۉریب چیقیشینی معلوم قیلگن.
ایتیش کېرهک که ایکّی کوندن بیری ایران و امریکا اۉرتهسیدهگی آتیش-کېسین کېلیشووی بوزیلیب، ایکّی تامان بیر-بیراویگه قرشی هجوملرنی اویوشتیرگن.
امریکا حربی کوچلری مرکزی قومندانلیگینینگ اعلام قیلیشیچه، بو مملکتنینگ ایرانگه قرشی ینگی عملیاتیده ۹۰ ته نشان هجومگه اوچرهگن.
