سرپل ولایتی سوزمه قلعه اولسواللیگیدن منبعلرنینگ اۉزبېک تیوی بیلن شریک قیلگن معلوماتیگه کۉره، بو منطقهده بیر قیز باله دهشتلی طرزده اۉلدیریلگن.
ایتیلیشیچه رویدا ناملی ۱۱ یاشر قیز ناتانیش شخصلر تامانیدن، قزاق قیشلاغیده پیچاقلنیب اۉلدیریلگن.
بو قیز جسدیدن اۉزبېک تیوی گه یوباریلگن صورتده، او دهشتلی طرزده اۉلدیریلگنی و جسدی قانگه بیلینگنی کۉرینهدی.
جسدنی یقیندن کۉرگن منبعلر اۉزبېک تیوی گه ایتیشیچه، بو قیز باله قۉرقینچلی و شفقتسیزلیک بیلن اۉلدیریلگن.
شونینگدېک، منبعلر بو قیز بالهگه تجاوز اېتیلگنینی هم ادعا قیلهدی.
معلوماتلرگه کۉره، رویدا، ایرانده ایشلب تورگن هاشم ناملی شخصنینگ قیزی اېکن.
حاضرگچه بو قیز باله کیم تامانیدن اۉلدیریلگنی بېللی اېمس.
ایتیش کېرهک که طالبان حاکمیتیده، قیزلرگه نسبتن ظلملر و جنایتلر سانی آشگن.
