ایران یېتکرمهلری امریکانینگ هرمزگان ولایتیگه اویوشتیرگن هجومیده بیر عایله نینگ اوچ اعضاسی جان بېرگنینی خبر قیلدی.
صدا و سیما خبریگه کۉره، اۉلگنلر طبیعت قۉریقچیسی (محیط بان) نینگ ایکّی اۉغلی و کېلینی بۉلیب، اولر بوگون (سهشنبه، 23-سرطان) اېرتهلبگی امریکا هجوملری عاقبتیده حیاتدن کۉز یومگن.
امریکا مرکزي قوماندانلیگی سنتکام بوگون اېرتهلب ایرانگه قرشی بېش ساعتلیک حربي عملیاتی یکونلنگنینی معلوم قیلدی.
سنتکام بیاناتیگه کۉره، هجوملر اساسن ایراننینگ جَنوبي ولایتلری و قیرغاق حدودلریده عملگه آشیریلگن.
قوماندانلیک اوشبو عملیاتدن مقصد ایران نینگ تجارت کېمهلریگه هجوم قیلیش امکانیتینی ضعیفلشتیریش اېکنینی بیلدیرگن.
ایران اېسه اوشبو هجوملرگه جوابن منطقهدهگی امریکا حربي پایگاهلریگه ضربه بېرگنینی معلوم قیلگن.
