جوزجان ولایتیده یوز بېرگن ترافیک حادثهسی عاقبتیده ایکّی کیشی، جملهدن بیر باله هلاک بۉلدی، ینه یېتّی کیشی یرهلنگن.
طالبلرنینگ جوزجان ولایتی امنیه قوماندانلیگی مطبوعات سۉزلاوچیسی عبدالستّار حلیمينینگ ایتیشیچه، حادثه بوگون (سهشنبه، ۳۰سرطان) شبرغان-قۉشتېپه یۉلیده یوز بېرگن.
اونینگ سۉزلریگه کۉره، فوربکس روسوملی موتر کوچلی بۉران سبب اغدریلیب کېتگن. عاقبتده موتر هیداوچیسی و بیر باله واقعه جاییده جان بېرگن.
حلیمي حادثهده ینه یېتّی کیشی، جملهدن عیاللر و بالهلر جراحت آلگنینی، اولر حاضرده جوزجان ولایت شفاخانهسیده دوالنهیاتگنینی معلوم قیلدی.
افغانستانده ترافیک حادثهلری هر ییلی یوزلب انسانلرنینگ حیاتیگه ضامن بۉلماقده.
متخصصلر بوندهی حادثهلرنینگ اساسي سببلری صفتیده احتیاطسیزلیک، تېزلیکنی آشیریش، یۉل حرکتی قاعدهلریگه رعایه قیلمسلیک و یۉللرنینگ یامان حالتینی کۉرسهتماقده.
