طالبان قماقخانهسیده عدالتسیزلیک بیلن سقلنیب کېلهیاتگن تورکمن قیز صدیقهگه یقین منبعلرنینگ اۉزبېک تیوی گه ایتیشیچه، صدیقهنینگ عایلهسی و یقینلری او بیلن کۉریشیشگه موفق بۉلگنلر.
بوحقده اۉزبېک تیوی اختیاریگه قرار تاپکن معلوماتلریگه کۉره،صدیقهنینگ آنهسی و بیر قنچه آقسقاللر اونینگ بادغیسدهگی محکمهسی چاغیده او بیلن کۉریشیب سۉزلشیشگه موفق بۉلگنلر.
اوچرهشووده، صدیقه یقینلری اونگه خلق اونینگ تقدیریگه نسبتن بیفرق قالمهی سېس چیقرگنلرینی اَیتیب بېرگن و بو تورکمن قیز اېسه سېس چیقرگن شخصلردن اۉز منتدارلیگینی و اولرگه سلامی یېتکزیلیشینی سۉرهگن.
شونینگدېک، منبعلر صدیقه قضیهسی هم قیته کۉریب چیقیش اوچون بادغیسدن قندهارگه کۉچیریلگنینی ایتهدیلر.
منبعلر ایتیشیچه، حاضر بو قیز قضیهسینی فاریابلیک اۉزبېک مدافع وکیل پیرمحمد منصوری دېگن شخص ایلگری آلیب بامرماقده دیر.
شو بیلن بیرگه، بو قیز قچان آزاد اېتیلیشی هلی بیللی اېمس
بو شونده بیرحالده دیر که طالبان بو قیزنی، آتهسی یاشیده بۉلگن شخص تورموشگه چیقمهگنی سبب قماقده سقلب کېلماقده.
