ایران رسمیلرینینگ اعلام قیلیشیچه، قویاش ۱۴۰۴ – ییل حمل آییدن بیری حاضرگچه ۲ میلیون افغانستانلیک مهاجر، بو مملکتدن چیقریلگن.
ایراننینگ ایسنا یېتکیرمهسی، بوحقده ایران ایچکی ایشلر وزیرلیگی سۉزلاوچیسی علی زینیوند معلوماتلریگه اساسلنیب خبر بېرگن.
خبرگه کۉره، زینیوند ایراندن افغانستانلیک مهاجرلر چیقریلیشی دوام اېتهیاتگنینی و بو جریانده یشهش اوچون قانونی حجتگه اېگه بۉلمهگن شخصلر چیقریلیشینی بیلدیرگن.
شو بیلن بیرگه، ایران ایچکی ایشلر وزیرلیگی سۉزلاوچیسی اوشبو مدت ایچیده، ۲۰۰ مینگ مهاجر اۉز طلبی اساسیده چیقریلگنینی هم ادعا قیلگن.
بو شوندهی بیرحالده دیر که سونگّی ییللرده ایران حکومتی مهاجرلرنی چیقریش جریانینی تیزلشتیرگن. اوشبو جریان دوامیده بو مملکتنینگ مهاجرلر بیلن یامان یاندهشوولری حقیده هم خبر بېریلگن.
