افغانستانده بیرلشگن ملتلر تشکیلاتینینگ نمایندهلیگی یا ده «یوناما» طالباننینگ خوفسیزلیک کوچلری حرکتلری سبب جوابگرلیککه تارتیلیشی خصوصیده بیر حسابات تیارلنگنیدن خبر بېردی.
یوناما حساباتیده تاکیدلنیشیچه، طالبان عادی اهالیگه نسبتن عسکرلرینینگ قۉپال معاملهلری و کوچلریدن ناتۉغری فایدهلنیش اوچون بیر قنچه حرکتلرنی قۉلگه آلگن بیراق طالبان عسکرلری یامان یاندهشوولری سبب یېترلیچه جوابگرلیککه تارتیلمهیپتی.
بوحقده نشر اېتیلگن حساباتنی بیلدیریشیچه، طالبان اهالی اینیقسه عیاللرگه نسبتن قۉپال معاملهلر جملهدن زۉر ایشلهتیش، حبسگه آلیش، اوشلب توریش، تینتوو اۉتکزیش و ییغیلیشلرنی نظارت قیلیش کبی حالتلرده عسکرلری جوابگرالیککه تارتیلیشی کېرهک دیر.
یوناما اۉز حساباتیده، بو خصوصده طالبان عسکرلریدن بۉلگن شکایتلر یېترلیچه تیکشیریلمهیاتگن و خوفسیزلیک بۉلمهگنی همده قصاصدن قورقیش شونینگدېک عیاللرگه نسبتن چیکلاولر باعث، طالبان عسکرلری حرکتلریدن بۉلگن شکایتلر اونچهلیک بیلدیریلمهگنینی هم تاکیدلگن.
بو شوندهی بیرحالده دیر که افغانستان نینگ تورلی حدودلریده طالباننینگ اعضالری یامان معاملهلری و ظلملریدن شکایتلر موجود دیر.
