طالباننینگ نیمروز ولایتیدهگی محلی رسمیلریگه اساسلنیب نشر اېتیلگن خبرلرگه کۉره، اوشبو ولایتده سکّیز کیشی «وطن سپاهیلری» ناملی گروه بیلن علاقهسی بارلیکده عیبلنیب، حبسگه آلینگن.
ایتیلیشیچه، طالبان بو شخصلرنی زرنج شهریدن اوشلب، ایشلرینی محکمهسیگه تاپشیرگن.
طالبان اوشبو شخصلر کېملیگی و انیق نیمه سببلر بیلن اوشلنگنی حقیده هیچ قندهی معلومات بېرگن اېمس.
ایتیش کېرهک که وطن سپاهیلری، سابق حکومت حربیلریدن شکللنگن ینگی قوراللی گروه بۉلیب، بوندن آلدین بدخشان ولایتیده بو ولایتنینگ یفتل اولسواللیگی باشقیرووینی بیر نیچه ساعت دوامیده، طالبان قۉلیدن آلیب قۉیگن اېدی.
