طالبان افغانستان حاکمیتیگه قیتگنی بېشینچی ییللیگی عرفهسیده ۱۴۰ انسان حقلری و مدنی تشکیلاتلر آچیق بیر مکتوب یازیب، خلقارا همجمعیتینی طالبان بیلن علاقه قوریش عاقبتلریدن آگاهلنتیردی.
اوشبو مکتوب، مذکور نهادلر تامانیدن مشترک حالده تیّارلنیب، بیرلشگن ملتلر تشکیلاتیگه یۉللنگن.
مکتوبده، افغانستانده طالباننینگ خاتین-قیزلرگه نسبتن دوام اېتیب تورگن چیکلاولری و باسیملری جنسی آپارتاید اولهراق تَن آلینیب، بو اوچون طالبان جوابگرلیککه تارتیلیشی طلب قیلینگن.
اوشبو تشکیلاتلر شونینگدېک، خلقارا همجمعیتی طالبان بیلن علاقه قوریشی اوشبو گروه نینگ جنایتلری بیلن قوشیلیش دېب بیلدیرگن.
بو شوندهی بیرحالده دیر که طالبان افغانستانده خاتین-قیزلرگه نسبتن یوزدن آرتیق فرمان چیقریب، اولرنی اساسی حقلری جملهدن اوقیش، ایشلش و حرکتلنیش حقلریدن محروم قیلگن.
