حمید فرهادی ژورنالیست، طالبلر تامانیدن «اطلاعات روز» گزیتهسی بیلن همکارلیک قیلگنی عیبلنیب قماققه تشلنگن اېدی. او ایکّی ییل اۉتیب، بوگون (پنجشنبه، ۲۲اسد) طالبلر قماقخانهسیدن آزاد قیلیندی.
فرهادی عایلهسی اعضالریدن بیری اونینگ بگرام قماقخانهسیدن آزاد اېتیلگنینی تصدیقلهدی.
فرهادی ۲۰۲۴-ییل ۳-سپتمبر کونی کابلده طالبان ایچکی ایشلر وزیرلیگی کوچلری تامانیدن حبسگه آلینگن اېدی.
او ۱۹-سپتمبر کونی طالبان محکمهسیده طالبانگه قرشی «ترغیبات» آلیب باریش و «اطلاعات روز» گزېتهسی بیلن همکارلیک قیلیشده عیبلنیب، ایکّی ییلگه قماق جزاسیگه حکم قیلینگن.
ژورنالیست دستلب پولچرخی قماقخانهسیده سقلنگن، ۲۰۲۵-ییل مارچ آییده اېسه طالبان اونی بگرام قماقخانهسیگه کۉچیرگن.
بو ایکّی ییل دوامیده فرهادی عایلهسی او بیلن فقط آییگه بیر مرته،۳۰ دقیقه دوامیده اوچرهشیشی ممکن بۉلگن.
طالبلر افغانستان اوستیدن نظارتنی قَیته قۉلگه کیریتگنیدن بېری ژورنالیستلرنی بیر نېچه بار حبسگه آلیب، قماققه تشلهگن. بو گروه سورگونده فعالیت یوریتهیاتگن یېتکرمهلر بیلن همکارلیکنی جنایت صفتیده بېلگیلهگن و بیر قطار ژورنالیستلرنی عیناً شو عیبلاو بیلن قماق جزاسیگه حکم قیلگن.
افغانستان ژورنالیستلر مرکزی یقینده کمیده تۉرت نفر ژورنالیست و مېدیا خادیمی حاضرده طالبلر قماقخانهلریده سقلنهیاتگنینی معلوم قیلگن.
