بدخشانده طالبان جنگچیلری و بو گروهنینگ ناراض قومندانلریدن بۉلگن جمعهخان فاتح آدملری اۉرتهسیدهگی اوروش و تۉقنهشوولر تۉرت کوندن بېری دوام اېتیب کېلماقده.
بدخشاندن ترقهلگن خبرلرگه کۉره، بوگون جمعه ۲۳ – اسد هم، بو ولایتنینگ نسی اولسواللیگی ناتینچ احوالنی گواهی بۉلگن.
ایتیلیشیچه، طالبان یېر و هوادن جمعه خان فاتح پستهلریگه آتیشمهلرنی اویوشتیریب کېلماقده دیر.
حاضرگچه بو اوروش قچان توگهشی بېللی اېمس و طالبان بو تۉقنهشوولر حقیده اخباراتگه قۉل تاپیشنی جدّی چېکلنتیرگن.
طالباننینگ اوشبو چېکلاولری سببلی حاضرده، بدخشانده تۉقنهشوولر عاقبتیده اۉرتهگه کېلگن قربانلیکلر انیق بېللی اېمس. بیراق معلوم بۉلگن تامانی شونده دیر که بو آتیشمهلر ایکّی تاماندن تشقری حتا عادی انسانلردن هم قربانلیک آلگن.
بو اوروش قربانلری افغانستانده خلاصه بۉلیب قالمهی اوروشلردن آتیلگن اۉق و پرچهلر تاجیکستان چېگره حدودلریده هم بیر عیالنی جانینی آلدی.
