افغانستان ملی اسلامی جنبش حزبینینگ رهبری و تانیقلی سیاسی سیمالردن مارشال عبدالرشید دوستم، بیر بیانات ترقهتیب، افغانستانده طالبان حاکمیتی بېشینچی ییللیگی خصوصیده مناسبت بیلدیردی.
مارشال دوستم بیاناتیده، افغانستانده، طالباننینگ ظلم و باستیریشلری، بو حاکمیت سایهسیدهگی معمالر و مشقتلری کېسکینلشگنی تاکیدلنیب، طالبان عیاللرگه نسبتن باسیملری همده قومی و مذهبی کمسیتیشلرنی کوچهیتیرگنی معلوم قیلینگن.
تانیقلی بو سیاسی سیما اۉز بیاناتیده، افغانستانده خلقلر یېرلری باسیب آلینیشی و مجبوری کوچیریشلر دوام اېتهیاتگنیدن هم تنقید اېتیلگن.
مارشال دوستم اۉز بیاناتیده، طالبان حاکمیتیده القاعده کبی گروهلرنینگ افغانستاندهگی حضوری نه فقط افغانستان اوچون بلکه منطقه مملکتلری اوچون هم کتّه تهدید اېکنی تاکیدلنیب، خلقارا همجمعیتیدن طالبانگه باسیم اۉتکزیلیشی و افغانستانده قانونی حکومت یوزهگه کېلیشی اوچون اعتبار قرهتیشی طلب قیلینگن.
جنبش حزبینینگ رهبری شونینگدېک، بیاناتی یکونیده بو اۉزگریشلر کېلیشی اۉنملی اینتیلیشلری دوام اېتهیاتگنینی هم بیلدیرگن.
ایتیش کېرهک که طالبان بېش ییلدن بېری افغانستانده رسمیتگه تانیلمهگن حالده حکومتلرینی دوام اېتتریب کېلماقده.
