ایران یېتکرمهلری پاکستان اوردوسی قوماندانی عاصم منیر و اوشبو مملکت ایچکی ایشلر وزیری محسن نقوي تهرانگه یېتیب کېلگنینی خبر قیلماقده.
«صدا و سیما» خبریگه کۉره، ایران ایچکی ایشلر وزیری اسکندر مومني تهرانگه یېتیب کېلگن ایکّی یوقاری مرتبهلی پاکستانلیک عملدارنی کوتیب آلگن.
اوشبو میدیا خبریگه کۉره، اولر ایران رسميلری بیلن ایکّی تامانلهمه مسألهلر همده «منطقهده تینچلیک و خوفسیزلیک» یوزهسیدن مذاکرهلر آلیب بارهدی.
پاکستان ایران و امریکا اۉرتهسیدهگی مذاکرهلرنینگ اساسي واسطهچیسی بۉلیب، ایکّی دولت اۉرتهسیدهگی مذاکرهلرنی قَیته باشلشگه حرکت قیلماقده.
پاکستان اوردوسی قوماندانی اۉز مملکتینینگ ایران و امریکا اۉرتهسیدهگی واسطهچیلیک سعی-حرکتلری دایرهسیده بوندن آلدین هم ایکّی مرته تهرانگه تشریف بویورگن.
