بیرلشگن ملتلر تشکیلاتینینگ عیاللر بۉییچه بۉلیمی (UN Women) افغانستانده میلیونلب قیزلر هنوز تعلیم آلیش، ایشلش و اۉز کېلهجگینی تنلش امکانیتیدن محروم اېکنینی معلوم قیلدی.
اوشبو تشکیلات یکشنبه کونی، 8-سنبله، ایکش صحیفهسیده «بۉش مېزلر و بۉش چوکیلر» افغانستانده قیزلر تعلیمینینگ حقیقي منظرهسی اېکنینی یازدی.
بیرلشگن ملتلر تشکیلاتینینگ عیاللر بۉییچه بۉلیمی افغانستاندهگی قیزلر هنوز تعلیم آلیش امکانیتیدن محروم اېکنینی و بو حالت اولر نینگ کېلهجگینی جدّي چېکلهیاتگنینی تأکیدلهدی.
طالبلر حاکمیتنی اېگهلهگنیدن بېری افغانستانده عیاللر و قیزلر نینگ تعلیم آلیشی همده ایشلشیگه قۉییلگن چېکلاولر خلقارا تشکیلاتلر و انسان حقوقلری تشکیلاتلری نینگ اساسي خواطرلریدن بیری بۉلیب کېلماقده.
طالبان افغانستانده قَیته حاکمیتنی قۉلگه کیریتگنیدن سۉنگ، 6-صنفدن یوقاری قیزلرنینگ تعلیم آلیشینی تۉختهتدی و عیاللر همده قیزلرنینگ اۉقیشی، ایشلشی و جمعیتدهگی اشتراکیگه کېنگ کۉلملی چېکلاولر جاري قیلدی.
