افغانستان خلقی اسلامی وحدت حزبینینگ رهبری محمد محقق، طالبان ایچکی ایشلر وزیری سراجالدین حقانینینگ بو گروه سیاسی مخالفلری اولکهگه قیتسین دېگن سۉزلرینی منطقسیز دېب، ایتیشیچه: «سیاسی مخالفلر حقوقی و اساسی اېرکینلیکلری کفالت اېتیلمهگن حالده مملکت ایچیده فعالیت قیلیش امکانیتگه اېگه بۉله آلمهیدیلر.»
محقق، اۉتگن کون کېچقورون قیلگن صحبتلریده ایتیشیچه، سیاسی مخالفلر افغانستان سیاسی کوچلرینینگ بیر بۉلیمی دیر و اېرکین فعالیت قیلیش و باریب – کېلیش امکانیتگه اېگه بۉلمهگن بیر شرایطده منطقسیز دیر.
او شونینگدېک، سراجالدین حقانی و اونگه یقین کیشیلرنی طالبان تشکیلاتیده اېنگ کوچلی دېب، امریکا بیلن اوروش آقیمیده یوقاری رولی بۉلگنینی تیلگه آلگن.
افغانستان خلقی اسلامی وحدت حزبینینگ رهبری، حقانینینگ هزارهلر و شیعهلر حقوقی خصوصیدهگی اخیرگی سۉزلریگه اشاره قیلیب ایتیشیچه، اگرده بو وعدهلر عملگه آشیریلگن حالده افغانستان خلقینینگ بیر قسمینی او بیلن یۉلداش قیلماقده.
حقانی اسد آیینینگ اخیرلریده بامیانگه قیلگن سفریده هزارهلرنینگ مشروع ایستکلری تامینلنیشینی تاکیدلب، افغانستان برچه یشاوچیلرگه تېگیشلی اېکنینی بیان قیلگن اېدی.
