طالبلرنینگ تشقی ایشلر وزیری امیرخان متقي امریکا حکومتیدن افغانستان کانلریگه سرمایه کیریتیشنی سۉرهدی.
متقي امریکانینگ «فایننشال تایمز» گزیتهسیگه بېرگن و بوگون (دوشنبه، 9-سنبله) نشر قیلینگن صحبتیده طالبان اقتصادي ساحهده «آچیق اېشیکلر سیاستی»نی قبول قیلگنینی ایتگن.
امیرخان متقي طالبلرنینگ امریکا بیلن مناسبتلری حقیدهگی سوالگه جوابن: «افغانستان امریکانینگ کانچیلیک، آستقورمه، زراعت و تجارت ساحهلریدهگی سرمایهلرینی تۉلیق آلقیشلهیدی»، دېگن.
او طالبلر و امریکا اۉرتهسیدهگی مناسبتلر «اۉتگن 20 ییللیک اوروش نقطهٔ نظریدن بهالنمسلیگی، بلکه کېلهجکدهگی همکارلیک اساسیده قوریلیشی کېرهک»لیگینی قۉشیمچه قیلگن.
بیراق متقي طالبلر افغانستان کانلریگه امریکا تامانیدن سرمایه کیریتیش پیشنهادینی بېواسطه آق اویگه بیلدیرگن یاکه بیلدیرمهگنینی انیقلشتیرمهگن.
«فایننشال تایمز» گزېتهسی نینگ یازیشیچه، امریکا جمهور رییسی دونالد ترامپ طالبان بیلن یقینراق مناسبتلر اۉرنهتیشگه «کم قیزیقیش» بیلدیرگن و کابل شِمالیدهگی بگرام پایگاهسینی امریکا نظارتیگه قَیتریشنی تکلیف قیلگن. طالبان بو تکلیفنی بیر نېچه بار رد اېتگن.
متقي افغانستاندهگی برچه حربي و ملکی تاسیساتلر، جملهدن بگرام پایگاهسی هم افغانستان نینگ ملي ملکی اېکنینی ایتگن. شو بیلن بیرگه، او آق اوینی امریکانینگ کابلدهگی اېلچیخانهسینی قَیته آچیشگه چقیرگن.
