اۉزبېکستان جمهورلیک ریاست مطبوعات خذمتینینگ اعلام قیلیشیچه، بو مملکت جمهور باشلیغی اشتراکیده بۉلگن شانگهای همکارلیک تشکیلاتی رهبرلرینینگ ییغینی باشلنگن.
اوشبو ییغینده، قرغیزستان پایتختی بېشک شهریدهگی «ایریس-آردا» مجلسلر سالونیده باشلنگن.
ییغینده، شانگهای همکارلیک تشکیلاتیگه دایمی اعضا اۉن ته مملکت رهبرلری و بوندن تشقری، تورکیه و آذربایجان کبی مملکتلرنینگ رهبرلری هم حضور تاپکن.
افغانستان شانگهای تشکیلاتینینگ کۉزهتووچی اعضاسی دیر. بیراق طالبان حاکمیتگه قیتگندن بیری بو مملکت تشکیلات مهم ییغینلریدن غایب بۉلیب کېلماقده.
شانگهای تشکیلاتینینگ افغانستان تشقی ینه بیر کۉزهتووچی اعضاسی بۉلگن مغولستان هم بو ییغینده اشتراک اېتگن.
قرغیزستان مېزبانلیگیده بۉلگن اوشبو ییغین، شانگهای تشکیلاتی ایجاد اېتیلیشی ۲۵-ییللیگی بیلن بیر وقتده اۉتکزیلماقده.
