بیرلشگن ملتلر تشکیلاتینینگ انسانپرورلیک یاردملرنی موافقلشتیریش اداره (اوچا) هالند افغانستان انسانپرورلیک جمغرمهسیگه ۱۶میلیون یورو مقداریده مبلغ اجرهتگنینی معلوم قیلدی.
اوچا بوگون (پنجشنبه،۱۲-سنبله) ایکس اجتماعي ترماغیده نشر قیلگن پُستیده هالند حکومتیگه اوشبو یاردمی اوچون منّتدارلیک بیلدیردی.
بیرلشگن ملتلر تشکیلاتی نینگ انسانپرورلیک یاردملرنی موافقلشتیریش باشقرمهسی دایمي قۉللب-قوّتلش افغانستان بۉیلب یاردمگه محتاج انسانلرگه حیاتي مهم یاردم و امید یېتکزیشگه کمکلشیشینی تأکیدلهدی.
مذکور یاردم افغانستاندهگی «انسانپرولیک جواب» دستوری جدّي مالی تنقیصلیککه دوچ کېلهیاتگن بیر پیتده کۉرسهتیلدی.
بیرلشگن ملتلر تشکیلاتی جاري ییلده افغانستاندهگی ۱۷.۵میلیون نفر محتاج انساننی قۉللب-قوّتلش اوچون ۱.۷ میلیارد دالر مبلغ سۉرهگن. بیراق حاضرگچه بو مبلغ نینگ اتیگی ۳۰.۲۹ فایزی تأمینلنگن.
