تخار ولایتیده محلی منبعلرنینگ ایتیشیچه، طالبلرنینگ پیاده ایکینچی لواسی تطهیر تولینینگ قوماندانی عبدالله طوفان، مخدره ماده انتقالیده قۉلی بۉلگنلیککه عیبلنیب حبسگه آلینگن.
منبعنینگ معلوماتیگه کۉره، عبدالله طوفان ایکّی رنجنر موتردن فایدهلنیب چمهسی ۱۵ کیلوگرام هیروئیننی بدخشان ولایتیدن قندوز ولایتی تامان آلیب بارهیاتگن پیتیده تانیلیب اوشلنگن.
اوشبو قوماندان تاجیک قومیدن بۉلیب، نقلیه واسطهسیدن مخدره ماده انیقلنگنیدن سۉنگ حبسگه آلینگن.
عین حالده بیر قطار ایش بیلرمانلرگه کۉره، عبدالله طوفان شوندهی بیر حالده مخدره ماده انتقالی عیبی بیلن حبسگه آلینماقده، بیراق طالبلرنینگ پشتون قوماندانلری (قندهاری و مشرقی) قوماندانلری هیروئین تولید قیلیشی و قاچاغیده قۉلی بۉلگنی انیقلنگن، بیراق اولرگه هیچ بیر زمان طوفان کبی یۉلباریلمهگن.
طالبلر رسمیلری حاضرگچه عبدالله طوفان اوشلنگنی و حبسگه آلینگنی خصوصیده رسمی معلومات ترقتمهگن.
