منبعلرنینگ اۉزبېک تیوی گه ایتیشیچه، ایران یۉلیده خال محمد و نورمحمد ناملی فاریابلیک ایکی شخص، ایکّی کوندن بیری سووسیز قالگنلریدن سونگ بیدرک یۉقالهدی.
بو ایکی ایناغهگه یقین منبعلردن بیرینینگ ایتیشیچه، نورمحمد ناملی ییگیت اکهسی خال محمد پاکستان و ایران چېگرهسیده سووسیزلیکدن حرکت قیلالمهی قالگندن کیین، سوونی آرتیدن کېلیب سوو آلیب کېتهدی بیراق حاضر اېکّی ایناغهدن هم هیچ قندی درک یۉق.
منبع بو واقعه حقیده شوندی دېب معلومات بېرهدی: «اوکهسی سوونی آرتیدن کېلهدی راهبلد سوو بیریب باریب اکهیندی دشتدن آلیب کېل دېدی. حاضر اوکهسینی هم تلیفونی اوچکّن و لادرک دیر.»
اۉزبېک تیوی بیلن شریک قیلینگن معلوماتده، بو شخصلر حاجی ضیا ناملی کیشینینگ اۉغیللری و میمنه شهرینینگ «عربخانه» حدودی یشاوچیسی اېکن بیلدیریلگن.
شو بیلن بیرگه ایریم منبعلر، بسمالله ناملی ۲۰ یاشر فاریابلیک ینه بیر ییگیت ایران یۉلیده یۉقالگنینی خبر قیلگن.
بو تۉغریده بۉلگن معلوماتلرگه کۉره، عزیزالله نینگ اۉغلی بسمالله شیرینتگاب اولسواللیگی اسلامقلعه حدودی یشاوچیسی اېکن.
