کمبریج بیلیم یورتیگه قرهشلی بابرهم انستیتوتیده آلیب باریلگن ایلغار تدقیقات حجرهلرنینگ قریشی و قیته تیکلنیشی جریانلریده ینگی دورگه یۉل آچیلدی. عالملر اۉرته یاشدهگی دورلردن آلینگن انسان تېری حجرهلری(فیبروبلاستلر)نینگ بیولوژیک یاشینی، اولرنینگ حجره خصوصیتینی بوتونلهی یۉقاتمهگن حالده، چمهسی 30 ییلگه آرتگه قیتریش اصولینی تاپدیلر. بیلیملی باک پلتفورمی معلوماتی.
حجرهلرنی بوتونلی ایلدیز حجرهلریگه ایلنتیریب، اولرنینگ قیته دستورلش اصوللریدن فرقلی روشده، اوشبو تدقیقاتده “یېتیلیش باسقیچیده وقتینچهلیک قیته دستورلش” دېب اتهلوچی ینگی اصول قۉللنیلهدی. حجرهلر “یاماناکا” عالملریگه اتیگی 13 کون دوامیده تاثیر اېتتیریلدی. اوشبو نظارت قیلینگن مدت نتیجهسیده حجرهلر قریش بیلن باغلیق اپیجنتیک و ترانسکریپتوماتیک بېلگیلرینی یۉقاتر اېکن، عینی پیتده اۉزی نینگ دستلبکی تېری حجرهسی خصوصیتلری و فعالیتینی سقلب قاله آلهدی.
تدقیقات نینگ اعتبارلی جهتی شوندهکه، یاشرتیریلگن حجرهلر نهفقط مالیکوللر درجهده یاشرگن، بلکه فعالیت جهتیدن هم یاش حجرهلر کبی حرکت قیلگن. تجربهلر نتیجهسیده یاشلنتیریلگن فیبروبلاستلر کۉپراق کلاژین آقسیلنی ایشلب چیقریشی و کېکسه حجرهلرگه نسبتا یرهلرنینگ بیتیش تېزلیگینی ایکّی برابر آشیریشی انیقلندی. بو یوتوق ریگنیتیف طبیات (قیته تکیلوچی طبیات) ساحهسیده قریش بیلن باغلیق تېری اۉزگریشلری و سورونکلی یرهلرنی دوالش اوچون کتته صلاحیتگه اېگه.
