روسیه تشقی ایشلر وزیرلیگی اعلام قیلیشیچه «مسکو فرمتی» ییغینی، نوبتده‌گی دوری طالبان هیاتی اشتراکیده اۉتکزیله‌دی.
دیمک، بو اوشبو فرمت نینگ سکّیزینچی دور ییغینی بۉلیب، اکتبر آیی‌نینگ بېشینچی‌سیده اۉتکزیلیشی رېجه‌لشتیریلگن.
روسیه تشقی ایشلر وزیرلیگی سۉزلاوچیسی ماریا زاخارواگه اساسلنیب نشر اېتیلگن خبرلرگه کۉره، ییغین‌ده طالبان تشقی ایشلر وزیری امیرخان متقی هم چقیریلگن.
اوشبو ییغین‌ده، روسیه و طالبان رسمیلریدن تشقری، اۉزبېکستان، قزاقستان، قیرغیزستان، هندوستان، پاکستان، چین، ایران و تاجیکستان رسمیلری هم اشتراک اېته‌دی.
ییغین‌ده، بلاروس و مصر رسمیلری هم مهمان اوله‌راق چقیریلگنی معلوم قیلینگن.
طالبان حاضرگچه، بو ییغین‌ده اشتراک اېتیشی خصوصیده هیچ قندی ایضاح بېرمه‌گن.
مسکو فرمتی بیر نیچه ییل‌دن بیری، افغانستان مساله‌سیگه عاید موضوعلر خصوصیده اۉتکزیلیب کېله‌یاتگن منطقوی ییغین‌لردن دیر.
