کانادا باش وزیری مارک کارنی‌نینگ جاری میلادی آی جریانیده تورکیه گه سفر قیلیب و بو مملکت جمهور باشلیغی رجب‌طیب اردوغان بیلن اوچره‌شیشی کوتیله‌دی.
رویترز آژانسی، نیچه منبع‌دن نقل قیلیب گزارش بیریشیچه، مذکور سفر عمل‌گه آشیریلگنی صورت‌ده، کانادا رهبری‌نینگ تورکیه که بیرینچی مرته مخصوص ایکی تامانلمه تشریفی حساب‌لنه‌دی.
گزارش گه کۉره، کارنی‌نینگ تورکیه گه قچان باریشی بیللی بولمه‌ی، شونینگدېک کانادا باش‌وزیری اداره‌سی همده تورکیه جمهورلیک ریاستی بو سفر توغریسیده رسمی شکلده هیچ بیر فکر بیلدیرمه‌گن.
کانادا و تورکیه جولای آیی‌ده انقره ده بۉلیب اۉتگن ناتو ییغیلیشی دایره‌سیده باشلنگن ایرکین سودا بوییچه مذاکره‌لر، شونینگدېک انرژی و مدافعه ساحه‌لریده‌گی احتمالی همکارلیکلر‌نی محاکمه قیلیشلری ممکن.
ایتیلیشچه، کانادا و تورکیه سودا وزیرلری بو هفته ایکی مملکت رهبرلری‌نینگ اوچره‌شوویدن آلدین، مذاکره‌لرنی تیزلشتیریش‌گه کیلیشیب آلگنلر.
