اسلامی شورا مجلسی تولیدینی قۉللب – قوتلش مخصوص کمیسیونی نینگ باشلیغی محسن زنگنه باشچیلیگیده ایران پارلمانی نینگ هیئتی کابل‌گه کېلیب، افغانستان رسمیلری بیلن ایکّی اولکه ارا تجارتی و اقتصادی علاقه‌لر خصوصیده سۉزلشکنلر.
بو هیات کابل‌گه قیلگن سفری آقیمیده تجارتی آلیش – بېریشلر، خصوصی بۉلیملرده فعالیتلر آسانلشتیریلیشی و ایران بیلن افغانستان اۉرته‌سیده اقتصادی همکارلیکلر کېنگه‌ییشی خصوصیده سۉزلشووی رېجه لشتیریلگن.
ترقه تیلگن گزارشلرگه کۉره، بو ایکّی اولکه ارا تجارت حجمی اوچ میلیارد دالردن آرتیق اعلام قیلینگن و ایران بیلن افغانستان بو رقم نی ۱۰ میلیارد دالرگه یېتیشینی کوتماقده لر.
ایتیلیشیچه، پاکستان بیلن طالبان اۉرته‌سیده قرمه – قرشیلیکلر شدتلنگنیدن سۉنگ ایکّی اولکه ارا تجارتی علاقه‌لری کېسیلدی، اوندن سۉنگ افغانستان نینگ تجارتی علاقه‌لری ایران بیلن اۉزبېکستان مملکتلری اۉرته‌سیده کۉپراق رواجلنتیریلدی و بو علاقه‌لر کون اۉتیشی بیلن کېنگه‌ییب بارماقده.
