خلق‌ارا اۉقیتووچیلر کونی‌دن بیر کون اۉتگچ، نیچه مدت آلدین طالبان آرقه‌لی حبسگه آلینگن افغانستان‌لیک شاعر و اۉقیتووچی مژده اۉزبېک، حاضرگچه نابیللی بیر وضعیت‌گه قرار تاپگن.
تخارلیک اۉزبېک بو اۉقیتووچی و شاعر، ایکّی هفته‌دن کۉپراق وقت بۉله‌دی که طالبان تامانیدن قماققه تارتیلگن و حاضرگچه او قنده‌ی بیر شرایطده سقلنیب کېله‌یاتگنی بیللی اېمس.
ایریملر منبعلرنینگ اۉزبېک تی‌وی گه ادعا قیلیشیچه، مژده اۉزبېک طالبان‌نینگ کابلده‌گی استخبارات قماقخانه‌لریدن بیریگه کۉچیریلگن. بیراق حاضرگچه طالبان بو حقده هیچ نرسه دېمه‌گن.
شو بیلن بیرگه، تخارلیک بو اۉقیتووچی نیمه سبب بیلن حبسگه آلینگنی حقیده هم طالبان هیچ قنده‌ی ایضاح بېرگن اېمس.
مژده اۉزبېک تقدیرسیزلیک بیلن قماقده سقلنیب کېلر اېکن اونینگ تقدیریگه نسبتن خواطرلر هم دوام اېتماقده دیر.
