طالبان باش قاضیسی عبدالحکیم حقانی، بوگون کابل بیلیم یۉرتیده طالبان رهبری هبتالله آخوندزاده نی قۉللب-قوتلش بۉییچه ییغینیده ایتیشیچه، بو گروه هیچ کیمنینگ ارهلشووینی قبول قیلمهیدی.
اونگه کۉره: «بیز هیچ کیمنینگ ارهلشووینی قبول قیلمهی و شونینگدېک هیچ قندهی ارهلشووهم یوق.»
عبدالحکیم حقانینینگ کۉپهیتیریشیچه، افغانستاندهگی حاکم توزیم هیچ بیر کېنگش، تشکیلات یا-ده نهادنینگ توصیه و بۉیروغی بیلن قدرت گه اېریشمهگن.
او، طالبان گروهی یېتکچیسینینگ «بۉیروغلری تاثیرینی اۉرگهنیشگه بغیشلنگن علمی-تدقیقاتی کنفرانسده ادعا قیلیشیچه، حاضرگی توزیم افغانستان ملتینی کۉپینچه بدبختلیکلردن قوتقرگن.
ایتیش کېرهک که، بو ییغین طالبان عالی اۉقوو وزیرلیگی تشبثی و اوشبو وزیرلیک وزیری ندامحمد ندیم ریاستیگه اۉتکزیلگن.



