بیرلشگن ملتلر تشکیلاتی عمومی مجمعی غزه ده تیزلیککه آتیش کېسین برقرار اېتیش قراری نی 153 ایجابی آواز، امریکا شامل 10 قرشی آواز و 23 بی‌طرف آواز بیلن تصدیقله‌دی.
گرچه بو قرار امریکا جمهوررئیسی جوبایدن ایتگندېک مجبوری بۉلمسه‌ده، غزه ده حماس گه قرشی اوروش نی دوام اېتیریشده بنیامین نتانیاهو حکومتی موقعیتی ضعیفلشگنینی کۉرسته‌دی.
غزه ده اوروش توخته‌تیلیشی اوچون بو بیرلشگن ملتلر تشکیلاتی نینگ ایکینچی قطعنامه‌سی دیر.
مذکور مجمع اکتبر آییده هم غزه ده انسان دوستلیک آتیش کېسین برقرار اېتیلیشی اوچون بیر قطعنامه تصویب قیلگن اېدی.
شونده‌ی بیرحالده، اکتبر آیی نینگ قطعنامه‌سی 121 ایجابی آواز، 14 قرشی آواز و 44 اېسه طرف‌سیز آواز اېدی، بیراق بوکونگی قطعنامه 153 ایجابی آواز، 10 قرشی آواز و 23 اېسه طرف‌سیز آواز بیلن، مملکتلرنینگ غزه‌ده‌گی اوروش دوام اېتیشی توغریسیده ناراضلیگی نی کۉرسته‌دی.
مذکور اوروش 7- اکتبر ده حماس نینگ قانلی هجومی بیلن باشلندی. اوشبو هجومده حماس 1200 اسرائیل‌لیک نی اۉلدیردی و عیاللر، باله‌لر و کېکسه‌لر شامل 240 کیشی نی گرو آلیب غزه گه انتقال بېردی.
بو هجوم دن کېین اسرائیل «حماس یۉق اېتیلیشی و گروگانلرنی آزاد اِېتیش» مقصدیده بیرینچیده غزه نینگ شمالی و حاضر اېسه جنوبی گه هجوم قیلگن. حماس نینگ ساغلیک اداره‌لرینی معلوماتی اساسیده، اسرائیل حربیلری نینگ ییر، هوا و سوودن اویوشتیرگن هجوملریده حاضرگچه 8 مینگ عیال و باله شامل 18 مینگ کیشی جان بېریب و بیر میلیون دن آرتیق کیشی اېسه آواره بۉلگن.
