سه‌شنبه کونی افغانستان خبرچیلری مرکزی، دایکندی ده‌گی نسیم رادیوسی مدیری طالبان دستلبکی محکمه‌سی تامانیدن بیر ییل حبس گه محکوم بۉلگنی بیلدیردی. خبرچیلر مرکزی بو حکم نی «تنیق‌سیز، ناعادلانه و قبول بۉلمه‌یدیگن» دېب اَیتگن.
جاری ییل میزان آییده نسیم رادیوسی نینگ مدیری و سلطان علی جوادی و سیف‌الله رضایی ناملی ایکّی گزارشگری «آزدالیک رادیوسی نینگ دستورینی نشر اېتیش» و «طالبان گه قرشی ریکلام» بېریش عیبلاوی بیلن، دایکندی ده طالبان استخبارات اداره‌سیگه احضار اېتیلدی.
خبرچیلر مرکزی نینگ ایتیشیچه، اولر ساعتلرچه تحقیق دن کیین قوییب یوباریلگن و 15- میزان ده تکرار حبس قیلینگن. اولر 6 دن 17 کون گه قدر حبس اېکن و کېین اېسه ضمانت بیلن آزاد اېتیلگن.
طالبان علی جوادی نینگ قولگه آلینیب و حبس اېتیلگنی توغریسیده حاضرگچه فکر بېلدیرمه‌گن، بیراق آگاه منبعلرنینگ افغانستان خبرچیلری مرکزی گه ایتیشیچه، سلطان علی جوادی «طالبان گه قرشی ریکلام» و «تشقی اۉلکه‌لر و کافرلرگه» جاسوسلیک قیلیش عیبلاوی گه محکوم بۉلگن.
افغانستان خبرچیلر مرکزی بو حکم توغریسیده جدی خواطر بېلدیریب و اوشبو خبرچی نینگ قوییب یوباریلیشی نی سۉره‌گن.
افغانستان ده طالبان قدرت گه اِیریشگنیدن کېین، خبرچیلرنینگ اوشلب آلیش و حبس اِیتیش رقمی کۉپه‌یگن.
