امریکا حربیلری افغانستاننی ترک قیلگنیدن ایکی ییلدن آرتیق اۉتگن بیرحالده، امریکا نماینده‌لر کېنگشی‌نینگ تشقی علاقه‌لر کمیته‌سیگه کۉره، بو کمیته‌نینگ تیکشیرووی اساسیده، کابل‌نینگ طالبان نظارتیگه اوتیشینی پیش‌بینلیک قیلیش ممکن اېکن.
26- قوس یکشنبه کونی امریکا نماینده‌لر کېنگشی‌نینگ تشقی علاقه‌لر کمیته اۉرین‌باسرلریدن بیری، واشنگتن اگزمینر گه صحبت بېریب ایتیشیچه، اوشبو کمیته تحقیقاتچیلری افغانستان فاجعه‌لی بیر شکلده ترک اېتیلگنی خصوصیده، اۉتگن آلتی آیده اوشبو مملکت سابق و حاضرگی رسمیلریدن 15 ته‌سی بیلن صحبت‌لشگن.
مذکور صحبتلرگه، باشقرو و منبعلر ایشلری بۉییچه امریکا تشقی ایشلری وزیرلیگی‌نینگ سابق اۉرین‌باسری، کابلده اوشبو مملکت سابق ایلچیسی راس ویلسون، افغانستان تینچلیگی بۉییچه امریکا سابق خاص نماینده‌سی زلمی خلیلزاد، امریکا تشقی ایشلر وزیرلیگی‌نینگ سابق سۉزلاوچیسی و حاضرگی مصلحتچیسی ند پرایس، امریکا تشقی ایشلر وزیری آنتونی بلینکن دفتری باشلیغی سوزی جورج شامل دیر.
گزارشده آتی یازیلمه‌گن امریکا نماینده‌لر کېنگشی‌نینگ اوشبو اعضاسی کۉپه‌یتیریشیچه: «مېن شونی اَیته‌من که بو واقعه نی پیش‌بینلیک قیلیش ممکن اېدی. بیله‌سیزلرکه بایدن قدرت گه ایریشگنیدن کېین امریکا تشقی ایشلر وزیرلیگی کوزینی یومگن.»
اونگه کۉره، آق سرای بو خصوصده سۉزلشدن وازکیچگن.
معلوماتلر اساسیده، دوحه کېلیشوونامه‌سیده بایدن‌نینگ پابندلیگی، کابل هوا قونالغه‌سی و بگرام هوایی قرارگاهی سقله‌نیشی و شونینگدېک تخلیه پروسه‌سی حقیده تحقیقات نی دوامی بار.
