اوشبو حادثه شبرغان شهری‌نینگ قره‌دریا منطقه‌سیده یوز بیرگن. محلی منبعلرگه کۉره، طالبان گروهیگه تیگیشلی بیش کیشی قوراللیکلر اۉتکن کیچه مذکور منطقه‌ده‌گی جلال‌آباد قشلاغیده، ایکی اویگه کېریب آلتین و باشقه بهالی نرسه‌لرینی اۉغیرله‌گنلر.
اېیتیلیشیچه، مذکور اوغیرلاوچیلر شبرغان-مزارشریف قتناویولدن اوتیب-قیته‌دیگن یولاوچیلرنی هم تالان اېتیش گه باشله‌گن که اوغیرلاوچیلر و یولاچیلرنینگ اۉرته‌سیگه چیققن تارتیشوو عاقبتیده، شهر کمربندیده‌گی پُسته قوروچیلری خبر تاپیب حادثه محلیده ییتیشگن.
نتیجه‌ده، اوغیرلاوچی طالبلر و پُسته طالبلری آره‌سیده یوزبیرگن آتیشمه باعث، قتناویول ترافیک یوزیگه باغله‌نیب و اۉغیرلیک قیله‌دیگن اوچ طالب هلاک، بیری تن جراحتی کوتاریب و باشقه بیری اېسه محلدن قاچگن.
منبعلرگه کۉره، هلاک بۉلگن طالبان گروهیگه تېگیشلی بۉلگنی تثبیت اېتیلگن.
محل اهالیسی‌نینگ اېتیشیچه، سۉنگی آیلرده شمالی ولایتلرده‌گی شهر و اطراف قشلاقلرده قوراللیک کیشی‌لر تامانیدن اوغیرلیک میزانی آشیب بارماقده. اوشبو واقعه‌لرنینگ کۉپینچه‌سی طالبان اعضاسیگه تېگیشلی بۉلگنی اېتیله‌دی.
