ناروی تشقی ایشلر وزیرلیگی‌نینگ اعلامی اساسیده، بو مملکت افغانستانده محتاج کیشیلر اینیقسه پاکستاندن چیقاریلگنلرنی حمایت اېتیش اوچون 6.7 میلیون دالر اَجره‌تگن.
مذکور وزیرلیک‌نینگ اعلامیه‌سیده کېلیشیچه، اوشبو پولدن 3.8 میلیون دالری بیرلشگن ملتلر تشکیلاتی‌نینگ پناه‌ایزلاوچیلر ایشلری بۉییچه عالی کمیسارلیگی و 2.9 میلیون دالری اېسه آوقت خلق‌ارا برنامه‌سیگه بېریله‌دی.
ناروی تشقی ایشلر وزیرلیگی اسپن بارت ایدنینگ ایتیشیچه، مملکتی افغانستان گه انسان‌دوستلیک یاردملر ترقه‌تیش اوچون متعهد دیر.
عین حالده، ناروی پاکستاندن مهاجرلردن میزبانلیک قیلگنی اوچون قدردانلیک قیلیب و عین حالده، اسلام‌آباددن مهاجرلرنینگ قیته یوباریشی ریجه‌سینی عملی قیلیش گه انسان حقلری و شخصلرنینگ حیثیتی گه حرمت بېریشینی سۉره‌گن.
پاکستان حجتی بۉلمه‌گن 1.73 میلیون مهاجر و پناه‌ایزلاوچیگه بو مملکت نی ترک اېتیش اوچون بیرینچی نوامبر گچه مهلت بېرگن اېدی و بو مهلت یکونلنیشی بیلن اولرنینگ چیقاریش پروسه‌سینی باشله‌دی که حاضرگچه دوام قیلیب کېلماقده.
