سی‌ان‌ان خبری ترماغی، افغانستان داکترلریدن نقل قیلیب گزارش بېرگن که، طالبان قیته قدرت گه اِیریشگنیدن کېین، قیزلرنینگ آره‌سیده اۉزینی اۉلدیریش رقمی کۉپه‌یگن.
اوشبو یېتکرمه بو واقعه‌لر توغریسیده بیللی بیر رقم ترقتمه‌گن، بیراق اۉزینی اۉلدیریش گه قصد قیلگن قربانیلردن نقل قیلیب یازیشیچه، تعلیم منع اېتیلیشی قیزلرنینگ افسرده قیلگن.
سی‌ان‌ان خبری ترماغی، افغانستانده خاص گزارشی‌نینگ حاضرلش اوچون اۉزینی اۉلدیریش قربانیلر و داکترلردن قطاری بیلن صحبت اوتکزگن.
اوشبو یېتکرمه، اوچ آی آلدین تیزاب ایچیش بیلن اۉزینی اۉلدیریش گه قصد قیلگن، آرزو «مستعار آت» ناملی 15 یاشر قیز بیلن گپلشگن.
مذکور قیز درمان اوچون عایله‌سی بیلن پاکستان‌نینگ کراچی شهریگه بارگن و او حاضر حیات و اۉلیم ایچیده نفس آلماقده. آرزو، مکتبلر ایشیگی قیزلرنینگ یوزیگه باغله‌نیشی خصوصیده‌گی طالبان‌نینگ بویروغیدن کېین، جدی افسرده‌لیک بیلن یوزمه‌یوز بۉلدی.
آرزونینگ عایله اعضاسی سی‌ان‌ان بیلن اۉتکزگن صحبتیده، اولرنینگ پاکستاندن چیقاریب افغانستان گه زوردن یوباریلیشی، بو قیز اوچون اۉلیم معناسیگه کېله‌دی دېب اَیتگن.
شونینگدېک داکترلر و انسانی حقلری گروهلری اوشبو یېتکرمه گه، طالبان نظارتیده‌گی افغانستانلیک قیزلر آره‌سیده خودکش‌لیک رقمی کۉپه‌یگنینی تصدیقله‌گن.
هراتده سی‌ان‌ان بیلن مصاحبه قیلگن بیر داکترنینگ ایتیشیچه، افغانستانده طالبان قیته قدرت گه اِیریشگنیدن کېین، درمان اوچون اونینگ کیلینکی گه مراجعت قیله‌دیگن عیاللر سانی 40 دن 50 فایز گچه کۉپه‌یگن.
عین حالده، سی‌ان‌ان نینگ گزارشی اساسیده، طالبان بیرلشگن ملتلر تشکیلاتی انسان حقلری عالی کمیسارلیگی گه بېرگن بیاناتیده، عیاللر و قیزلر آره‌سیده اۉزینی اۉلدیریش رقمی کمه‌یگنینی ادعا قیلگن اېدی.
بیرلشگن ملتلر تشکیلاتی‌نینگ ایش بیلرمانلری جولای آییده، اۉزینی اۉلدیریش رقمی اینیقسه قیزلر آره‌سیده کینگه‌یگنینی بیلدیرگن اېدی.
