اوشبو یغین 27- قوس دوشنبه کونی جوزجان ولایتی‌نینگ مرکزی سپورت جمنازیومیده یۉلگه قوېیلدی.
سپورتچیلردن تۉپلم 8 کیشی یوکسک درجه‌لرگه و 124 کیشی سریغ، نارنجی، کوک، یشیل، قهوه‌یی و قاره رنگ درجه‌لرگه یوکسلتیریلدی.
جوزجان ولایت سپورت اداره‌سی نینگ جنگ‌آور فدراسیون مسوللرینی ایتیشیچه، اوشبو یغیندن مقصد مذکور سپورت قیزیقوچیلرینی آلقیشلشدیر.
افغانستان شمالی ولایتلریده یشه‌یاتکن یېگیتلر آره‌سیده المپیک و محلی سپورت اۉیینلری‌گه نسبتآ قیزیقیش درجه‌سی یوکسک.
کوز و قیش موسوملریده کوپینچه‌لیک محلی سپورت اۉیینلریدن گوراش و اوغلاق مسابقه‌لری دوامیده. شمال و شمالشرق ولایتلریده مینگلرچه اهالی مذکور مسابقه‌لرگه قیزیقیب قتنشه‌دیلر.
اوتکن هفته فاریاب ولایتی‌نینگ میمنه شهریده المپیک اۉیینلریدن فوتبال مسابقه‌سی بۉلیب اوتدی. مذکور مسابقه‌ده افغانستان شمالیده‌گی بیش ولایتدن فوتبالچیلر قتنه‌شیشدیلر.
مسابقه نتیجه‌سیده فاریاب ولایتی‌نینگ یشیل ېیگیتلر فوتبال جماعه‌سی بیرینچی اۉرین و سرپل ولایتی‌نینگ امام یحیی فوتبال جماعه‌سی ایکینچی اۉرین‌نی ایگله‌دیلر.
