بوگون چهارشنبه (29- قوس) طالبان یوقاری مرتبه‌لی رسمیلری بیر مراسم یولگه قوییش بیلن، سالنگ تونلی نی قیته قوریلگنیدن کېین آچدی.
بو مراسمده طالبان رئیس‌الوزراسی‌نینگ اقتصادی اۉرین‌باسری ملا برادر، سالنگ تونلی‌نینگ قیته قوریلیشی سوداگرلرگه کۉپ آسانلیک کېلتیریب و سوداگرلیک توارلرنینگ انتقال بېریش زمینه‌سینی کۉپه‌یتیرگن دېدی.
ملا برادر اوشبو مراسمده ایتیشیچه، سالنگ‌نینگ ایکینچی تونلی نی قیته قوریش اوچون هم سوزلشوولرنی دوامی بار. اونگه کۉره، تحریملر و قیینچلیکلر موجود بۉلگن بیرحالده، طالبان ایچکی درآمدلردن کۉپینچه اقتصادی ایشلر قیلگن.
مذکور تونل، سوداگرلیک توارلر آسیا جنوبی و اۉرته آسیا مملکتلری آره‌سیده انتقال تاپیشی اوچون کۉپ یاردم بېره‌دی و شونینگدېک سوداگرلرگه کۉپ قوله‌یلیک یره‌ته‌دی.
سالنگ قتناویولی نی قیته قوریش پروژه‌سی جاری ییل 21- سرطان ملا بردار تامانیدن آچیلگن اېدی.
سالنگ افغانستانده‌گی اېنگ اونملی قتناویوللریدن بۉلیب و کابل نی مملکت شمالیده‌گی بیر قنچه ولایتلر بیلن باغله‌یدی.
