جاپان یېتکرمه‌لری تامانیدن ترقه‌تیلگن خبرلر اساسیده، «نوریو اوا» ناملی جاپانلیک بیر مهندس، تیتسو ناکامورا نینگ انسان‌دوستلیک فعالیتلرینی دوام بېریش و پروژه‌لری‌نینگ احیالشتیریش اوچون افغانستان شرقی گه سفر قیلگن.
بوکون (شنبه 2- جدی) «آساهی شیمبون» ناملی جاپانلیک یېتکرمه بیر گزارش ترقه‌تیب یازیشیچه، اوشبو 73 یاشر متقاعد مهندس، جاری ییل سپتامبر آییده افغانستان شرقی گه سفر قیلگن.
مذکور جاپانلیک یېتکرمه‌نینگ گزارشی گه اساس، نوریو آوا و ایشداشلری تیتسو ناکامورانینگ پروژه‌لریگه دوام بېریشی ممکن.
جاپانلیک داکتر و یاردم بېرووچی تیتسو ناکامورا، افغانستانده «کاکا مردا» گه تانیلگن اېدی.
ناکامورا، افغانستانده انسان‌دوستلیک و درمانی فعالیتلرگه علاوه، ایکینچلیک و سوولنتیریش بولیملریده هم پروژه‌لر یۉلگه قویگن اېدی.
اوشبو جاپانلیک داکتر و یاردم بېرووچی، میلادی 2019- ییل 4- دسامبر قوراللی بیر هجوم عاقبتیده جلال‌آباد شهریده اۉلدیریلدی.
