بیرلشگن ملتلر تشکیلاتی‌نینگ خوفسیزلیک کېنگشی ییغینیده امریکا نماینده‌سی لیزا براون‌نینگ ایتشیچه، افغانستانلیک قیزلر و عیاللر گه قرشی «طالبان‌نینگ ظالمانه بویروقلری» خصوصیده، امریکا خواطرگه دیر.
براون، 8- جدی جمعه کونی افغانستان حقیده اۉتکزیلگن بیرلشگن ملتلر تشکیلاتی‌نینگ خوفسیزلیک کېنگشی ییغینیده بونده‌ی بیانات بېرگن.
اونینگ اۉرغولشیچه، طالبان‌نینگ عیاللرگه قرشی اقدام‌لری «افغانستان اجتماع‌سیده جبران بۉلمه‌یدیگن ضررلر یېتیشتیره‌دی و طالبان‌نینگ جهان بیلن علاقه‌لری یخشی بۉلیشیدن اوزاق قیله‌دی.»
لیزا براون، افغانستان اوچون خاص نماینده تعیین اېتیلیشی توغریسیده‌گی قطعنامه ایستگی نی خوش قرشی‌لب و ایتیشیچه، بونده‌ی بیر پست افغانستان‌نینگ رواجلنیشی گه یاردم بېره‌دی.
اۉتکن کون بیرلشگن ملتلر تشکیلاتی‌نینگ خوفسیزلیک کېنگشی بیر قطعنامه تصویب قیلدی که اوشبو قطعنامه‌ده باش‌کاتب دن افغانستان اوچون خاص بیر نماینده تعیین اېتیلیشی سۉره‌لگن.
مذکور قطعنامه اېسه 13 موافق آواز بیلن تصویب اېتیلدی و روسیه و چین اوشبو قطعنامه گه رد آواز بېریشدی.
