چېگره‌سیز داکترلرنینگ ادعاسیگه کۉره، افغانستانده 2024- ییل‌نینگ بیرینچی چقلاغی خوست ولایتده دنیا گه کېلگن.
اوشبو تشکیلات 12- جدی سه‌شنبه کونی ایکس صحیفه‌سیده یازیشیچه، افغانستانده بیرینچی چقلاق (1- جنوری دوشنبه کونی اېرته‌لب ساعت 12:02) ده خوست ولایتی کسلخانه‌سیده توغیلگن.
افغانستانده چېگره‌سیز داکترلر تشکیلاتی‌نینگ کۉپه‌یتیریشیچه: «2024- ییلده توغیلگن بیرینچی چقلاق‌نینگ اسمی زبیر دیر. اونینگ صمیمی تبریکله‌یمیز.»
عین حالده، افغانستان یشاوچیلری‌نینگ برچه‌سینی ساغلیق مرکزلریگه قۉل تاپه‌آلمسلیگی باعث، بو ادعانینگ ناتوغری بۉلیش احتمالی هم بار.
اَیتیش کېره‌ک که، افغانستانده 2023- ییلده بیرینچی چقلاق پنجشیر ولایتده تولد بۉلگن اېدی.
بوندن آلدین دنیا ساغلیق نی سقلش تشکیلاتی، افغانستانده هر کون اۉرته شکلده 167 چقلاق جان بېریشی نی اعلام قیلگن اېدی.
مذکور تشکیلات آنه‌لر و چقلاقلرنینگ حیاتینی قوتقریش اوچون جدی اقدام قیلینیشینی سۉره‌گن.
