«میدل ایست مانیتور» خبرگزارلیگی‌نینگ ترقتگن گزارشی اساسیده، 84 کوندن بویان غزه‌ده دوام اېته‌یاتگن شدتلی اوروشلرده اسراییل حربیلری‌نینگ هجوملری باعث، 106 فلسطین‌لیک ژورنالیست اۉلدیریلگن.
غزه مطبوعات بۉلیمی‌نینگ بیلدیریشیچه، غزه مرکزیده‌گی «نصیرت» قاچقینلر کمپی اوستیگه اسراییل حربیلری تامانیدن اویوشتیریلگن هجومده، ینه بیر ژورنالیست اۉلدیریلگن.
مذکور هجومده «القدس» تلویزیونی‌نینگ خبرچیسی جان بېرگن. اوشبو ژورنالیست نینگ اۉلدیریلیشی بیلن، 7- اکتوبردن بېری غزه‌ده اۉلدیریلگن ژورنالیستلر سانی 106 کیشی گه یېتیشگن.
غزه مطبوعاتی آلدینگی بیاناتیده اسراییل، فلسطین حقیده‌گی حقیقتلرنی اۉچیریش، معلوماتلرنی آشکار قیلمسلیک همده اصل خبرلرنی منطقوی و خلق‌ارا جماعتچیلیککه یېتیب باریشی گه یۉل قۉیمسلیک اوچون، ژورنالیستلرنی قصددن اۉلدیره‌یاتگنینی بیلدیرگن اېدی.
