کاپیساده طالبان خوفسیزلیک قۉمندانلیگی‌نینگ ایتیشیچه، بو ولایت‌ده 35 یاشر بیر اېرکک آته‌سینی آتیب اۉلدیرگن.
اوشبو حادثه (19- جدی سه‌شنبه) ساعت 12 اطرافیده نجراب اولوسواللیگی‌نینگ «دره افغانیه» منطقه‌سیده یوزبېرگن.
طالبان خوفسیزلیک قۉمندانلیگی تامانیدن ترقه‌تیلگن خبرنامه‌گه کۉره، مذکور شخص‌نینگ آتی حمیدالله اېکن که، آته‌سی نینگ یوزیگه آتیش آتیب اۉلدیرگن.
خبرنامه اساسیده، حادثه‌گه عیب‌دار کیشی طالبان تامانیدن قۉلگه آلینگن.
اَېتیش کېره‌ک که، طالبان قیته قدرت گه ایریشگنیدن کېین، مملکت بۉیلب عایلوی زۉروانلیکلر میزانی کۉپه‌یگن.
بیلرمانلرنینگ ایتیشیچه، فقر و ایش‌سیزلیک کۉپه‌یگنی باعث بونده‌ی حادثه‌لر یوزبېره‌دی.
