ایران اسلامی جمهوریتی‌گه تېگیشلی «سپاه پاسداران» حربی‌لری بوکون اېرته‌لب، عراق‌نینگ اربیل شهریده هوایی هجوم اویوشتیرگن. گزارش‌لرگه کۉره، بو هجوم عاقبتیده عادی اهالی‌دن ایکی کیشی اۉلیب و باشقه بېش کیشی اېسه یره‌لنگن.
ایران خوفسیزلیک رسمی‌لری بو هجوم اسراییل‌نینگ استخبارات تشکیلاتی (موساد) گه تېگیشلی بیر مرکز اوستیگه اویوشتیریلگنی‌نی معلوم قیلگن.
عراق کردستان‌نینگ خوفسیزلیک تشکیلاتی هم ایران‌نینگ اوشبو هجومی‌نی قاره‌لب و هجوم اویوشتیریلگن منطقه‌ده موساد مرکزی بارلیگی‌نی ناتوغری دېب، اۉرغوله‌گن.
ایران‌نینگ بو هجومی اېسه امریکانینگ جدی عکس‌العمل‌گه یوز‌مه‌یوز بۉلدی و امریکا تشقی ایشلر وزیرلیگی و ملی خوفسیزلیک کېنگشی‌نینگ سۉزلاوچیلری بو خصوصده عکس‌العمل کۉرساتیب، ایران‌نینگ بو هجومی‌نی عراق برقرارلیگی و تینچ‌لیگیگه قرشی دېب، تاکیدلشگن.
شونینگدېک امریکا ملی خوفسیزلیک کېنگشی سۉزلاوچیسی آدرین واتسون، امریکا شرایط‌نی یخشی‌لب تېکشیریش‌گه دوام بېریشی توغریسیده سۉر یوریتکن.
بونگه قۉشیمچه، ایران حکومتی بوکون اېرته‌لب سوریه‌ده داعش‌گه قرشی ینه بیر هوایی هجوم اویوشتیرگنی‌نی اعلان قیلگن.
