15- جنوری خلق‌ارا فوتبال فدراسیونی (فیفا) لندن شهریده بیر قطار کتگوریلر بۉییچه 2023- ییل‌نینگ اېنگ یخشی‌لرینی اعلان قیلدی.
آواز بېریش نتیجه‌لریگه کۉره، ارجنتاین ملی جماعه‌سی و امریکانینگ (انتر میامی) کلوبی هجومچیسی لیونل مسی، ییل‌نینگ اېنگ یخشی اۉیینچیسی دېب تاپیلدی. اوشبو 35 یاشر فوتبالچی ساورین اوچون کورشده «منچستر سیتی» اعضاسی ایرلینگ هالند و پارسن ژرمن هجومچیسی کیلیان امباپه نی آرتده قالدیردی.
شونینگدېک، عیاللر فوتبالیده هم اېنگ یخشی‌لر انیق‌لندی. بارسلونا عیاللر جماعه‌سی اعضاسی آیتانا بونماتی اېنگ یخشی عیال فوتبالچی دېب تاپیلدی و انگلستان عیاللر تېرمه جماعه‌سی نینگ مربی‌سی سارینا ویگمن اېنگ یخشی عیال مربی ساورینی‌گه اېگه چیقدی.
