بیرلشکن ملت‌لر تشکیلاتی‌نینگ باله‌لرنی قوللب_قوتلش صندیغی‌نی اعلام قېلیشیچه، هرات‌ده صادر بۉلگن اخیرگی زلزله‌لر عاقبتیده 96 مینگ باله زیان کۉرگن و بو باله‌لر اېسه قیش موسومی جریانیده، آغیر وضعیت بیلن دوچ کېلیشی ممکن.
بونگه قۉشیمچه، بیرلشکن ملت‌لر تشکیلاتی باش کاتبی‌نینگ سوزلاوچیسی استیفان دوجاریک، یونیسف‌دن نقل قیلیب، زلزله‌دن زیان کۉرگن باله‌لر حیاتی تهدید آستیده‌لیگی نی معلوم قیلگن. اونگه کۉره، هرات‌ده زلزله‌دن زیان کۉرگن‌لر اینیقسه باله‌لرگه توجه قیلیش اوچون، کۉپراق چاره_تدبیرلر کۉریلیشی کېره‌ک.
ایتیش کېره‌ک که، هرات‌ده یوز بېرگن زلزله‌دن کۉپ زمان اۉتماقده، بیراق حاضرگه قدر هم بو طبیعی حادثه‌دن زیان کورگن‌لر آغیر شرایط اینیقسه باش‌پناه‌سیزلیک قیینچلیکلری بیلن یوزمه‌یوز.
